സിറോ മലബാർ സഭയുടെ/മാർ തോമ്മ നസ്രാണി സഭയുടെ ആരാധനക്രമം

സിറോ മലബാർ സഭയുടെ/മാർ തോമ്മ നസ്രാണി സഭയുടെ  ആരാധനക്രമം 

കത്തോലിക്കാ സഭ എന്നത് ഇരുപത്തി മൂന്നു സ്വതന്ത്ര സഭകളുടെ കൂട്ടായ്മ ആണ് . നിയമ പ്രകാരം എല്ലാ സഭകളും തുല്യ അവകാശികൾ ആണ്. അതിൽ ഒന്നായ സിറോ മലബാർ കാതോലിക്ക സഭാ , തോമ്മാ സ്ലീഹായിൽ നിന്നും നമ്മുടെ കർത്താവിനെ അറിഞ്ഞ ഒരു സഭ ആണ് . മാർ തോമ്മാ ആണ് നമ്മൾക്ക് ഇശോയെ കാണിച്ചു തന്നത്. സിറോ മലബാർ സഭയുടെ ആരാധനക്രമം കിഴക്കൻ സുറിയാനി ക്രമം ആണ്. അത് ഉണ്ടാക്കിയത് തോമ്മാ ശ്ലീഹായുടെ ശിഷ്യൻ മാർ ആണ്. ഈസ്റ്റ് സുറിയാനി ആരാധന ക്രമം ഉപയോഗിക്കുന്നവർ ആയ കൊണ്ട് നമ്മുടെ സഭ സുറിയാനി സഭ എന്നാണു അറിയപ്പെടുന്നത്. നമ്മുടെ സഭയുടെ മറ്റു പേരുകൾ ആണല്ലോ മാർ തോമ്മാ നസ്രാണി സഭ അഥവാ സിറോ മലബാർ സഭ ഇവയൊക്കെ . സിറോ മലബാർ എന്നതിലെ സിറോ എന്നത് സുറിയാനി ഭാഷയെ ആണ് സൂചിപ്പിക്കുന്നത്. 

സിറോ മലബാർ സഭയിൽ വിശുദ്ധ കുർബാന അർപ്പണം മൂന്നു രീതിയിൽ ആണു. അത് ഇപ്രകാരം ആണ്.

1. വിശുദ്ധ റാസാ (The Most Solemn Form ) 
2.വിശുദ്ധ കുർബാന (Solemn Form) 
3. ലളിതമായ കുർബാന (Simple Form).

1. വിശുദ്ധ റാസാ

സിറോ മലബാർ സഭയുടെ ഏറ്റവും പരമ പ്രധാനം ആയ ആരാധന വിശുദ്ധ റാസ ആണ്.  സഭ എന്നാൽ ഒരു വിശുദ്ധ പാരമ്പര്യം ആണ്. ആരാധന ക്രമം അഥവാ ലിറ്റർജി സഭയിലൂടെ ഉള്ള നമ്മളുടെ വിശ്വാസത്തിന്റെ ഏറ്റു പറച്ചിൽ ആണ്. നമ്മുടെ കർത്താവായ ഈശോ മിശിഹായുടെ പ്രതീകം ആണ് തിരുസഭ .

സിറോ മലബാർ ആരാധനക്രമത്തിൽ ഏറ്റവും പരമ പ്രധാനം ആയ ആരാധന ആണ് വിശുദ്ധ റാസാ എന്നു പറഞ്ഞുവല്ലോ . ഇനി റാസാ എന്ന വാക്കിന്റെ അർത്ഥം പരിശോധിക്കാം .'റാസാ 'എന്ന വാക്കിന്റെ അർത്ഥം" മനസ്സിൽ ആക്കാൻ പ്രയാസം ഉള്ളത് , അല്ലെങ്കിൽ മഹാഅത്ഭുതകരം ആയവ , അതീവ രഹസ്യം " . എന്നൊക്കെ ആണു . ശരി ആണ് , നമ്മുടെ ദൈവം ഒരു രഹസ്യം തന്നെ അല്ലെ ?

രണ്ടു പുരോഹിതർ തീര്ച്ച ആയും റാസാ ആഘോഷിക്കുവാൻ വേണം. അതിൽ പ്രധാനി ഒരു മെത്രാൻ ആയാൽ വളരെ നല്ലത് .പ്രധാന പുരോഹിതനും , ആർച്ച് ഡീക്കനും , പിന്നെ രണ്ടു ഡീക്കൻമാരും റാസാ അർപ്പിക്കുവാൻ ഉണ്ടാകണം . ഡീക്കൻ മാർ ഇല്ലാത്തപ്പോൾ , തിരുവസ്ത്രം അണിഞ്ഞ വൈദികർക്കു ഡീക്കനു പകരം ആകാം. ഇനി അതും അല്ലാ എങ്കിൽ കൊതീനായും സുനാറയും അണിഞ്ഞ അല്മായനു നിർവഹിക്കാം.

റാസാ എന്നത് നമ്മടെ ഈശോ മിശിഹായിൽ ഉള്ള വിശ്വാസത്തിന്റെ പരസ്യം ആയ ഒരു വിളിച്ചറിയിക്കൽ ആണ്. അത് കൊണ്ടു തന്നെ ആണ് സഭ ഇത്ര ആഘോഷം ആയി റാസാ അർപ്പിക്കുവാൻ നിർദേശിക്കുന്നത് . ചിലപ്പോൾ രണ്ടോ , രണ്ടരയോ മണിക്കൂർ ചിലവൊഴിക്കണ്ടി വന്നേക്കാം . എന്നാൽ അത് ഒരു നഷ്ടം അല്ലല്ലോ . ഈശോക്ക് വേണ്ടി അല്ലെ ? അത് ഒരിക്കലും ഒരു നഷ്ടമാവില്ല എന്നുറപ്പ്.


മാർ തോമ്മാ നസ്രാണികളുടെ ( സിറോ മലബാർ കത്തോലിക്കരുടെ)  ഈശോ മിശിഹായിൽ ഉള്ള വിശ്വാസത്തിന്റെ വിളിച്ചറിയിക്കൽ ആണ് പരിശുദ്ധ റാസാ . ഒരു പക്ഷെ മറ്റൊരു ഈസ്റ്റ് സുറിയാനി സഭകളിലും ഇത് കാണുവാൻ സാധിക്കുക ഇല്ല .

മാർ തോമ്മാ ശ്ലീഹ നമ്മെ പഠിപ്പിച്ച വിശ്വാസത്തിന്റെ ഏറ്റവും മഹനീയവും , പരിശുദ്ധവും ആയ പ്രഘോഷണം ആണ് റാസാ. പടിഞ്ഞാറൻ രാജ്യങ്ങളിലെ പണ്ഡിതർ പറയുന്നത് , റാസാ എന്നത് ഒരേ സമയം ബിബ്ലിക്കലും തിയോളജിക്കലും ആണ് എന്നാണു.

റാസാ അർപ്പിക്കുവാൻ ദൈവ ജനവും , പുരോഹിതരും എല്ലാം ഒരു പോലെ ഒരുങ്ങേണ്ടതാകുന്നു. ഉദ്ധിതനായ ഈശോയോയും , ബാവാ തമ്പുരാനെയും , രൂഹ ദ് കുദ്ശായെയും സൂചിപ്പിക്കുന്ന മാർ സ്ലീവ ആണ് റാസായിൽ പുകഴ്ത്ത പ്പെടുന്നത് .

നമ്മുടെ പിതാവായ മാർ തോമ്മാ ശ്ലീഹായുടെ ദുക്റാന ആഘോഷിക്കുന്ന  ജൂലൈ 3 ന് എങ്കിലും റാസാ അർപ്പിക്കുവാൻ വൈദികരും അത് പോലെ തന്നെ അല്മായരും മുന്നോട്ടു വരേണ്ടതാണ്.

2. വിശുദ്ധ കുർബാന (Solemn Form) അടുത്ത താളിൽ നോക്കുക Click Here

വിവർത്തനം : മത്തായി  യൗസേപ്പ്

വിഷയഗ്രഹണത്തിനു  സിറോ മലബാർ സഭയുടെ റാസാ ക്രമ പുസ്തകം ഉപയോഗിച്ചു .


(Continues )