തിങ്കൾ : ഓനീസാ ദ്മൌത്വ ( നിശാ ഗീതം) Leliya

തിങ്കൾ : ഓനീസാ ദ്മൌത്വ ( നിശാ ഗീതം)

(രീതി :മേത്തോൽ ദ്ഹൂയൂ ..മറിയം ബ്‌ സുൽത്താ ...)

കർത്താവ്‌ നിന്റെ ഇഷ്ടം മുഴുവൻ സാധിച്ചു തരട്ടെ .           Ps. 20/5

നാഥാ, നിൻ തൃപ്പാദസുമം

ചൂടും സഭയെകനിവോടെ

കാത്തരുളാൻ മിഴിനീരോടെ

പ്രാർത്ഥന ഞങ്ങളക്കുന്നു.

തവനാമത്തെ വിളിച്ചണയും

തനയരെ സദയം പോറ്റണമേ

സഭവഴി നിരവധി ദാനങ്ങൾ

കർത്താവേ, നീ നൽകണമേ .

കർത്താവിന്റെ ദാസരേ , സ്തുതി പാടുവിൻ              Ps. 113/1

സുതരുടെയധരം വഴിനിത്യം

കർത്താവിൻ സ്തുതി പാടുക നീ

ജ്ഞാനസ്നാനം നേടീടാൻ

നിന്നെ വിളിച്ചവനതിമോദം ,

ശത്രുഗണത്തെത്തടയാനായി

വിജയാനന്ദം നേടാനായി

ശക്തിയെഴും നൽ സ്ലീവായെ

നല്കി നിനക്കായ് തിരുനാഥൻ

എന്റെ ആത്മാവ് കർത്താവിനെ കാത്തിരിക്കുന്നു .       Ps 62/1

കർത്താവേ, നിൻ ദാസന്മാർ

നിത്യാനന്ദം പുല്കിടുവാൻ

വിശ്വാസത്തിലുറച്ചിളയിൽ

നിതരാം കാത്തുവസിക്കുന്നു.

അഭയം നൽകാൻ നീയരുളീ

കുരിശിൻ തണലീ ഞങ്ങൾക്കായ്

നിന്നെ വണങ്ങും ജനതകളെ

രക്ഷിച്ചരുളുക നാഥാ നീ.

പിതാവിനും പുത്രനും പരിശുദ്ധാമാവിനും സ്തുതി

ഗുരുജനമേകില്ലറിവോടെ

സ്വന്തം നാമം ശിഷ്യർക്കായ്‌

ശിഷ്യഗണത്തിനു പൌലോസിൻ

പേരവനരുളീലൊരുനാളും;

കർത്താവിൻ തിരുനാമാത്തിൽ

നല്കീ ജ്നാനസ്നാനമവൻ

നലമെഴുമത്തിരുനാമത്തെ

സഭവഴിപാടി നമിച്ചീടാം.